(KAL) B-57

Copyright: Narsaq Museum.

Copyright: Narsaq Museum.

Illu 1848-meersuuvoq, aallaqqaamut piniartut orsuerutaannik toqqorsivittut KGH-mit atorneqarluni.  Puisip orsua eqalussuullu tingua qallunaat niuertuinit piumaneqartorujussuupput, pingaartumik niuertorsuit peqatigiiffianni Københavnimi Grosserer-Societetimi ilaasortanit. Illu 1887-imi allanngortiterneqarpoq sissamullu qaninnerusumut nuunneqarluni.

 

Kingusinnerusukkut nioqqutissanut avataanit tikisitanut toqqorsivinngorpoq, sulili piniartut orsuerutaannut atorneqarluni. Ukiorpassuarni aamarsuaasivittut aamma atorneqarpoq. Meqqit aamarsuarsiniarnermi atortut B 61-imi pisiarineqartarput, soorlu aamma petruuliu tassani pisiarineqarsinnaasoq. Niuertarfimmi aamarsuit pisiarineqaraangata meqqi tunniunneqartarpoq, orsivimmilu meqqi takutinneqareeraangat aamarsuit tunniunneqartarput. Meqqit B-61-imi takuneqarsinnaapput, tassaniippullu aamma Frederik Høeghip, Farip, naqiteriviata atortui.

 

2010-p aallartinnerani B-57 ujaqqanik katersugaasivissatut nutarterneqarpoq Københavnip Universitetiani ujarassiornermut instituttiani professoriusimasup Henning Sørensenip isumassarsineratigut sanasullu naalagarisimasaat Børge Brodersen suleqatigalugu. Børge Brodersen ukiorpassuarni Narsami nunaqarpoq, ujaqqallu katersugarpassuami ilaat Narsap Katersugaasivianut tunniuppai. Taakku saqqummersitani qitiupput.

Qujassutissaqarfiit:

Greenland Mining & Energy A/S

Permagreen Grønland A/S

Tanbreez Mining Greenland A/S

LNS Greenland A/S

Kommune Kujalleq

(erhvervs- og arbejdsmarkedsudvalget)

Nørskov Gruppen ApS

Narsaq Auto- & VVS ApS

Sydgrønlands El ApS

STARK Qaqortoq

Esben Toftdahl (forpagter café og Restaurant Klara)

Royal Arctic Line A/S

GEUS

Børge Brodersen

Del siden